As Somozas é un municipio de interior caracterizado polo verde e a fertilidade das súas terras.

Polo seu territorio discorren os ríos Mera e Xuvia, en cuxas ribeiras se encontran dúas áreas recreativas para o goce dos visitantes. Son zonas de ocio que conviven en harmonía co espazo natural no que se sitúan.

A área recreativa de O Carballo está creada artificialmente, con pequenos diques no río Xuvia, parques infantís e piscina. Nas inmediacións do río Mera, A Queiroga sitúase nunha contorna forestal de singulares características ecolóxicas e unha densa vexetación de piñeiros, carballos e ameneiros. Nela encontramos, ademais, un muíño restaurado de pedra.

As Somozas ofrece unha paisaxe rural chea de cores. Ademais, ao longo e ancho do termo municipal atopamos numerosas construcións relixiosas. Igrexas de diferentes estilos, capelas e cruceiros forman o patrimonio arquitectónico da vila.

http://assomozas.es