Turismo industrial, etnografía e natureza caracterizan o municipio das Pontes. Ademais, na chamada “vila dos cen ríos” consérvanse ata oito pontes medievais e romanas que dan conta do seu pasado.

A súa paisaxe industrial está dominada polas torres da central térmica e a súa cheminea, a máis alta de Europa. A central alimentábase da mina de lignito, agora pechada e convertida en lago. Isto supuxo a rehabilitación da contorna para convertela nun espazo natural de gran valor.

O lago das Pontes, cunha praia e con dúas illas que serán refuxio de diferentes aves, súmase aos outros espazos de interese ecolóxico que podemos gozar no municipio. Falamos das Fragas do Eume e da serra de Forgoselo, que se poden descubrir coas cinco rutas sinalizadas que existen.

Para un plan máis cultural, As Pontes ofréceche dúas opcións: o Museo Etnográfico do colexio Monte Caxado e a Casa do Mel de Goente, nunha das entradas ao Parque Natural.

http://www.turismoaspontes.com