Cedeira é un auténtico paraíso natural. A serra da Capelada e os seus impresionantes acantilados non deixan indiferente a ninguén.

Un paseo pola Capelada permite descubrir a fauna que habita na zona, coma os gandos de vacas e cabalos que pacen nos montes e pastos. Tamén rabaños de cabras máis salvaxes. Aínda que a fauna silvestre é máis difícil de ver, prestando atención descúbrense xabarís e raposos. Na zona de Garita de Herbeira pode verse normalmente o falcón peregrino. Desde este miradoiro, é espectacular a vista sobre os acantilados máis altos de Europa, que caen en pico sobre o inmenso océano.

A maxia de Cedeira encóntrase no santuario de Santo Andrés de Teixido, tamén na serra. O lugar, que ofrece vistas marabillosas da costa, é frecuentado por peregrinos, fieis e turistas.

No núcleo urbano, un paseo polas angostas rúas descubriranos restos da muralla que rodeaba a zona vella. Os seus edificios singulares, de galerías acristaladas, son privilexiados miradoiros á ría.

A ría de Cedeira está vixiada polo castelo da Concepción. Construído en 1747 sobre un antigo castro, nace para defender a vila dos ataques por mar. Agora, podemos coñecer a súa historia no Centro de Interpretación que acolle no seu interior.

http://www.cedeira.es